5 av jentene som er med på Luis Soto sine kursopplegg kvar tysdag i Rackethallen deltok i såkalla ROGY-tennis i Bergen laurdag 7.desember. Det var
Iselin
Lea Nora
Lone
Lisa Sofie
Malin
Dei fekk alle spela korte kampar, og klarte seg godt. Premiar og diplom vart utdelte.
På biletet ser du jentene i midten. Tre av dei hadde på seg STK T-skjorte.
Dette er ROGY-tennis: https://www.stordtennis.no/rogy-tour
Stord tennisklubb, i samarbeid med Stord ungdomsskule, set denne hausten i gang ei ny samling for unge asylantar, i Rackethallen. Og som sist er det Luis Soto som tar tak, instruerer og oppmuntrar mange unge frå ulike land og verdsdelar. Klubben har fått løyving til dette føremålet, og i og med at det vart så pass vellukka sist haust og vinter har me valt å prøva på nytt.
Første samlinga var laurdag 5.10, og oppslutninga var god - rundt 20 var med. Som avslutning på økta i Rackethallen vart det servert pizza og brus i klubbhuset.
Det er planlagt 3 økter til i løpet av hausten.
Inge Moe har vore primus motor i dette arbeidet, saman med gode medarbeidarar.
Styret
Biletet er frå Sunnhordland 9.10.19
Me planlegg vårdugnad på tennisanlegget laurdag 30.mars. Ta på arbeidstøy og ta med høvelege reiskapar om du har, og møt opp på føremiddagen frå kl 11, til ein liten innsats for klubben. Så får vi banane klare og fine til utesesongen!
Styret
I dagens utgåve av Bladet Sunnhordland kan du lesa om saka. På årsmøtet i STK førstkomande måndag skal me drøfta stoda for tennisens sin del.
Møt opp og delta i diskusjonen!
Styret
Vanlege årsmøtesaker;
Årsmelding for 2018
Val etter framlegg frå valnemnda
Ymse
Enkel servering.
Vel møtt til alle medlemer!
Styret
Laurdag 12.januar var ein stor gjeng jenter og gutar frå flyktningemottaket på Heiane samla i Rackethallen, til sportsleg og sosialt samvêr. Luis Soto hadde ansvaret for det sportslege, medan andre tok tak i det sosiale, med m.a. servering av pizza i klubbhuset.
Trass i nokre vanskar undervegs ser det ut til at dette er eit godt prosjekt, med god deltaking, som me vonar kan bidra til aktivisering og positiv integrering av barn og unge frå flyktningemottaket.
Bilete frå Bladet Sunnhordland. Trenar Luis Soto til venstre.
Stord tennisklubb fekk dette året tildelt kr 10 tusen av Stord kommune for å gjennomføra integreringstiltak retta mot barn og unge ved flyktningemottaket på Heiane. Sist i oktober kom me i gang, med Luis Soto som instruktør i Rackethallen, og sidan då har deltakarar frå mottaket samt nokre av dei som er med på det ordinæret tenniskurset til Natalia Soto vore med i alt 3 gonger. Over nyttår skal det vera to samlingar til.
Deltakarane får teoretisk og praktisk undervisning/instruksjon i tennisspelet sine finessar. Så får dei servert pizza på klubbhuset. Transport til og frå mottaket ordnar også tennisklubben med. Alt i alt ser det ut til å vera eit vellukka tiltak til fremjing av integrering, slik me ser det.
No har me fått ordna med lisensbetaling for websida, som har vore nede sidan slutten av april. Då kjem me attende med ujamne mellomrom med nyhende, oppdateringar, osb. så godt me kan. I mellomtida er det berre å slå fast at tennisvêret på Vikahaugane er det aller beste for dei som har teikna medlemskap og fått utlevert nytt låskort: http://www.meteovista.no/Europe/Norway/Tennis-Stord/4326563/12
Med tennishelsing
Hans Simon/webansvarleg
Ps: Biletet av Natalia Soto tek me med av di me vonar og reknar med at ho vil ta seg av nye og gamle elevar som ønskjer å ta tenniskurs i Rackethallen frå i haust, slik ho gjorde sist haust og vinter.
Redaktøren for denne websida tek ferie frå 28.april til 3.juni, og er då i vakre Alanya, i søraustre delen av Tyrkia.
Då vil eg berre minna om å betala kontingenten for året, og når det er gjort - bruk banane til spel, moro og konkurranse. Tennis er gøy, ikkje minst når ein har lært det elementære, kan halda spelet i gang, og får ned feilprosenten.
Så vonar eg denne websida framleis er oppe og går når eg er attende. Me får sjå..
Hans Simon
STK oppfordrer til å betala kontingenten for 2018 med VIPPS(113270), så skjer det fort og greitt. Sjølvsagt kan du betala via bank også, til konto 3520.54.22089.
Betal no, så har du alle rettar for 2018.
Styret
